கலைத் தமிழின் வித்தகம்
பரந்த உலகில் எம்
விரிந்த அறிவு முகிழ்ச்சியால்
சொரிந்த பவளமல்லிகையாய்
பிரிந்து வகை வகையாய்
புரிதலுக்கு விருந்தாயெம் நூல்கள்
00
அறிவுத் தேநீரில் கரையும்
அமுதத் தேனாக வரிகள்
அலைகடல் அணைக்கும் மணலாக
விலையற்ற ஓவியச் சொரூபமாக
கலைத் தமிழின் வித்தகம்
00
உயிர் நனைக்கும் பரிவு
உறவாய் உலவும் மந்திரமாய்
உன்னத வரிகள் இதயத்தில்
உலராத நடனமாய் அறிவு
உயிர் நினைக்கும் விருந்து.
30;-4-2022
கரணமிடும் வாழ்வுப் போர்.
(சொற் பொருள் விளக்கம் --- அரணிக்கும் - அலங்கரிக்கும.; திரணம் - அற்பம் பாயிரம் - வரலாறு)
00
அறியாதவர்கள் கருத்தீயும் போது
குறியாக மனதில் குதூகலம்.
செறிவாக நாளுமிது குவியாததற்கு
நெறியான இலக்கியச் செழிப்புதவும்.
00
மரணம் நோக்கிய பயணத்தில்
கரணமிடும் வாழ்வுப் போர்.
அரணிக்கும் துறைகள் சாதனைகளால்.
திரணமின்றிச் சுடர் வீசலாம்.
00
வானப் பிம்பம் கடல் நீலம்
கானமிசைத்துக் கூறும் அலைகள்
ஊனம் களையும் இன்பம்.
தானமாயிதுவும் கண்களிற்கு விருந்து.
00
உடல் உள வலுவால்
கடக்கும் வீர வசனங்கள்.
படபடககும் இதயத்தால்
தடதடக்கும் நடை கூட.
00
சொல்லால் (எழுத்தால்) ஒருவர் முகமறியலாம்.
சொல்லால் கட்டுமானமிடும் கவிதை
துல்லியமான நதிசூழ் நிலமாய்
அல்லலற்றது இலக்கிய மேன்மை
00
ஆயிரம் கற்கள் எறிந்தாலும்
பாயிரமான பறத்தல் வாழ்வு
வாயில் வழி ஓடிடுமா!
00
மீனவன் முயற்சியின் தூண்டிலால்
மீன்கள் நீச்சலை மறந்திடுமா!
மீண்டும் மீண்டும் நீந்துமே!
21-3-2022
2022 – 14 சித்திரை ... எல்லோருக்கும் புத்தாண்டு வாழ்த்துகள்!
சுபகிருது தமிழ் புத்தாண்டு
புதிய காற்று சுத்தம் தரும்
புதிய ஆடை மனிதருக்குப் பிடிக்கும்
புதிய அனுபவமும் புதுப்பாடம்
புதினம் புதுமை புத்துணர்ச்சியே!
புதிதென இரண்டாயிரத்து இருபத்திரண்டு.
வுpதியான நற்பாதையோடு பிறக்கட்டும்.
00
நிர்மலமாய் பிறக்கட்டும் பல
அருத்தமுடை வெற்றிகள் குவிக்கட்டும்
அவலங்களின்றி அமைதி பிறக்கட்டும்
அகம்பாவ அகவிருள் உலகழிந்து
அத்தனை முறையும் சிறப்புற
முத்தான புதுமைகளோடு வருவாய்.
00
சுபகிருது தமிழ் புத்தாண்டு
சுபமுடன் மலரட்டும் இனிதாக.
சுபசோபனமாய் எண்ணப் பிரவாகம்
வண்ணப் பழந்தமிழ்ச் சொற்தொடராய்
திண்ணமாய்க் குவித்தல் என்னாசை
மண்ணிலே தமிழ் நிலைக்கட்டும்
கவிமணி வேதா இலங்காதிலகம் - டென்மார்க் - 13-4-2022
தமிழன் மானம் அழிக்காதே! (இக் கவிதை அலைகள் இணையத் தளத்தில் 18-12-2012ல் பிரசுரமானது.) அழகிய கண்ணால் பார்த்திடு! அழகுடன்அர...
