பிறனைப் பொய்யனெனும் உன் பொய்மையை அழி!
00
பிறரை ஏமாற்றி வயிற்றை நிரப்புதல்
இறப்பிற்குச் சமம் அறமற்ற செயல்.
குறத்தனம் (கள்ளத்தனம்) வாழ்வில் குறளி ஆடல்
நிறம் மாற்றும் நல் மனித நேயத்தை.
00
பெரிய மனிதத் தன்மையாக அரிதாரமும்
சரியும் போலிக் கிரீடமும் எதற்கு!
அரிமாவாக நிமிர்ந்து நிற்க மனிதனாகு!
இரிசல் (மனமுறிவு) புலம்பலை நிறுத்து! அறிவாளனாகு!
00
ஏமாற்றி வாழாதே! ஏமாளியாவது நீயே!
ஓமாக்கினிக்குச் சமம் துரோக சிந்தனை
கைமாற்று (விற்பனை) பெருமிதமாக பேராவலாக நடக்க
சீமானாகு! சீயென இழிவு படாதே!
00
அன்பின் இதய சிகரத்தில் ஏறு!
அப்பன் பெயரை அழகாகக் காப்பாற்று!
சுப்பன் கந்தன் முதலீட்டில் உயர்ந்தாலும்
திருப்பிக் கொடுக்கப் பேரம் பேசாதே!
00
அநீதியை அணைத்து அநியாயம் பெருக்காதே!
அழுக்கு எண்ணங்களை அடியோடு போக்கு!
அடுத்தவனைப் பொய்யனெனும் உன் பொய்மையை அழி!
இழுக்கற்று வாழ்!ஒருமுறையே வாழ்வு!
00
கனல்கவி வேதா. இலங்காதிலகம். தென்மார்க் - 29-9-2023
கருத்துகள் இல்லை:
கருத்துரையிடுக