போர்த்துக்கல். 8வது பயணம்
ஆடி 21-2026 எமது 59 வது திருமணநாளையொட்டி வேல்ஸ் ல் இருந்து மகளும் துணைவரும், இங்கிருந்து மகனும் பிள்ளைகளும், நாங்கள் இருவருமாக பேர்த்துக்கல் தலைநகர் லிஸ்பனுக்கு பயணமானோம்.
தென்மார்க் பில்லூண்ட் விமானநிலையம் 3.30 மாலை, பின்னர் ஆம்ஸ்ரடாம் விமான நிலையம். லிஸ்பன் விமான நிலையம். அங்கிருந்து கஸ்கைஸ் (cas cais ) நகரத்தில் ஒரு நான்கு அறை வீடு எடுத்திருந்தோம் எல்லோரும் ஒன்றாகத் தங்க. அரை மணிநேர ஊபர் பயணம். அது உல்லாசப் பயணிகள் சுற்று வட்டமான வசதி உள்ளவர்கள் வீடுகள் சுற்று வட்டம் தான். எல்லாம் 2 மாடியோ அதற்கும் மேல் உள்ள தனித்தனி வீடுகள் தான்.
போர்த்துக்கல் ஐரோப்பிய அத்திலாந்திய நாடு. 15 - 16ம் நூற்றாண்டில் உலக வல்லரசாக இருந்தது. பெரிய வல்லரசாக தென் அமெரிக்கா ஆபிரிக்கா ஆசியா அவுஸ்திரேலியா (ஓசானியா) வரை பரந்திருந்தது.
ஐரோப்பாவின் மேற்குக் கோடியில் அமைந்த நாடு. வடக்கிலும் கிழக்கிலும் ஸ்பெயின் நாடும் மேற்கு தெற்கில் அட்லாந்துப் பெருங்கடலும் உள்ளது. அத்லாந்துத் தீவுக்கூட்டம் அசோரெசு- மதேரியாவும் போர்த்துக்கல் இறைமைக்குள் உள்ளது. இதன் இரண்டாவது பெரிய நகர் போர்ட்டோ. லிஸ்பன் தான் தலைநகர். அலுவல் மொழி போர்த்துக்கீசு.
போர்த்துக்கீசியம் 11ம் நூற்றாண்டில் உருவானது. இது உலகில் 6வது மொழி. 2. 871, 133, மக்கள் தொகையாகவும் 91, 982 ச.கிலோ மீட்டர் பரப்பளவுமானது. வத்திக்கான் போர்த்துக்கல் நாட்டின் சிறப்பு. பணமதிப்பு யுரோ. 1910 முதல் குடியரசு நாடு.
இதை ஐபீரிய மூவலந்தீவு என்பர். போர்த்துக்கீசிய மொழி சா டோம், அங்கோலா, மெசாம்பிக், கயானா , கிழக்குத் தைமூர் ஆகிய நாடுகளில் பேசப்படுகிறது. அதிகாரபூர்வ மொழி.
22-7-2060 லிஸ்பன் நகரம் செல்வோம் என புறப்பட்டோம்.
சில தெருக்களை இங்கு நீங்கள் காண்கிறீர்கள்.
28-7-2026
போர்த்துக்கல். 8வது பயணம் -2
22-7.2026 காலை உணவு வீட்டிலேயே பால் தேநீருடன் முடித்திடுவோம். பின் போகவேண்டிய இடத்திற்கு ஊபரில் போவோம் அல்லது புகை வண்டி டிராம் என்று செல்வோம்.
பெலம் கோபுரம் என்பது போர்ச்சுகல் நாட்டின் தலைநகரான லிஸ்பனில் உள்ள 16 ஆம் நூற்றாண்டு காலத்து வரலாற்றுச் சின்னமும் உலகப் பாரம்பரியக் இடமும் ஆகும்.
பெலம் கோபுரம் (torre de Belem) அமைந்துள்ள பிரதான பெருஞ் சதுக்கம் மற்றும் பூங்காத் தொகுப்பு இம்பீரியோ சதுக்கம் என்றும் அழைக்கப்படும் ப்ராசா டோ இம்பீரியோ (Praca do imperio) ஆகும்.
லிஸ்பன் போர்ச்சுகல் (ஜெரோனிமோஸ் மடத்திற்கும் தேம்சு/டேகஸ் நதி கரைக்கும் இடையில் உள்ளது).
1940-ம் ஆண்டு போர்ச்சுகல் உலகக் கண்காட்சிக்காகக் கட்டப்பட்டது.
இது அழகிய நீரூற்று மற்றும் பழைய பேரரசின் மாகாணங்களைக் குறிக்கும் பூக்களாலான சின்னங்களைக் கொண்டுள்ளது.
இது 1514 மற்றும் 1519 ஆண்டுகளுக்கு இடையில் கட்டப்பட்டு 'மானுடைன்' (manueline) பாணியில் வெள்ளை நிறக் கற்களால் உருவாக்கப்பட்டது.
போர்ச்சுகீசிய மாலுமிகள் கடல் பயணங்களைத் தொடங்கவும் லிஸ்பன் நகரைப் பாதுகாக்கவுமான கோட்டையாகப் பயன்பட்டது. ( காவற் கோபுரமாக)
டேகஸ் (tagus) ஆற்றின் கரையில் அமைந்துள்ளது. யுனெஸ்கோ அமைப்பு 1983 ஆம் ஆண்டு இதனைப் பாரம்பரியச் சின்னமாக அறிவித்தது
அதில் கால் நனைக்க வேண்டுமென நினைத்து இறங்கினேன் ஒரே பாசி. மகன் நன்றாக என்னைப் பிடித்தார்.
கணவர் நடக்கும் இடத்தில் தெரிகிறது லிஸ்பன் என்ற எழுத்து..
மீண்டும் தொடருவோம். 3 வதில்.
31-7-2026...
