எனது.... வாழ்க்கைக் - கவிதை 3 வதாக வாசிக்கப்பட்டது.
வேதா. இலங்காதிலகம் -தென்மார்க் -16-10-2026
(கவி உறவு – கவிதை)
¤¤
வாழ்த்துகள் வெறும் வார்த்தைகள் அல்ல.
¤¤
வாழ்த்தும் வரிகள் மனதில்
ஆழ்கடலாய் ஆனந்தத்தை நிறைக்கும்.
தாழ்வு நிலையை விரட்டும்
ஆழ்ந்த திருப்தி இறைக்கும்.
¤¤
வீழ்த்தாத வரிகள் என்றும்
வீணாகானமாய் வீற்றிருந்து நெஞ்சில்
வீரச்சலங்கையாய் வீரியம் தரும்.
வீர மாலைக்குச் சமனாகும்
¤¤
தாழ்போடாத தமிழ் உயரட்டும்
தாழ்ப்பாள் அற்ற மொழியிது.
தானாதிபதி ஆழ்ந்து நீந்தினால்.
தாராளமனமே தரும் அங்கீகாரம்.
¤¤
ஆளுமை மனம் ஆதரிக்கும்
ஆள்வினை (முயற்சி) குறையாது இயங்கும்
ஆவளித்தல் (ஒழுங்குபடுத்தல்) எண்ணமொரு வானம்.
ஆரத்தி போன்றதே வாழ்த்து.
¤¤
வாழ்த்து தெரிவிக்கும் மனிதரின்
வாகுடை அன்பு – மரியாதை
வாகை நிறைந்த வாக்கியம்.
வழிகாட்டும் ஒரு வாக்குமூலம்
¤¤
அளவற்ற மகிழ்வும் பூரண
ஆசீர்வாதமும் பல இலட்சம்
ஆணி முத்துகள் பெறுமதியானது.
அனுதினம் வாழ்த்துங்கள்! வாழ்த்துங்கள்!
¤¤
வேதா. இலங்காதிலகம் -தென்மார்க் - 26-10-2026
அருட்சோதியே!....
00
ஒருங்காய் இதமாய் அரிதாய் விரிவாய்
வருவாய் முருகாய் இனிதாய் உயிராய்
அருகாய் இருப்பாய் திருவாய் திறப்பாய்
தருவாய் திருவிழாவாய் கருணையாய் அன்பை
00
விருத்தமாய் அருத்தமாய் உருத்தாய் விரும்புவாய்
பொருத்தமாய் நிருத்தமாய் கருத்தாய் மருத்தனாவாய்
பொருத்தாய் இருந்தாய் பருத்தாய் காதலாய்
விருந்தாய் மனதால் அருளைத் தருவாய்!
00
திருத்தமாய் சிறப்பாய் பிறப்பைத் திருவாய்
விரும்பிட விருத்தியைப் பொருத்திட நிருவகிப்பாய்.
நிருவாகம் திருத்தமாய் திருநாள் சிருட்டிப்பாய்.
அருத்தமாய் அருட்சோதியாய் அருள் பெருக்குவாய்
00
கவிமணி – வேதா.இலங்காதிலகம்- தென்மார்க்- 4-3-2026
வானவில் இளமை..
¤¤
அன்றைய வாலிபம் சென்றது
இன்றைய முதுமை வென்றது
ஒன்றும் நிரந்தரமல்ல ஒன்றுதலாகிறது
நன்றாவது ஒழுக்க வாழ்வென்பது.
¤¤
கதையானது இளமை உடலில்.
கருமமாற்றுகிறது இளமை உள்ளத்தில்
கவலையை ஆளக் கற்றால்
முதுமை இனிக்கும் கனியாகும்
¤¤
வேதா. இலங்காதிலகம் - தென்மார்க் 8-9-2021
பேரார்வ மனம் .
எதைச் செய்ய விருப்பமுள்ளதோ
அதைச் செய்ய மனம்
அதிக ஆர்வம் கொள்ளுகிறது
சடசடவென இதயம் சதிராடுகிறது.
இது சுதந்திர முயற்சி
பொதுவான சிறையற்ற மனம்
எண்ணச் சிகரத்தில் நான்.
எந்தக் குறுக்கீடும் இல்லை
இன்பக் கணம்! நினைவுகள்
தொலையாத சிம்மாசனம்! முடிவும்
தொடக்கமும் பெருமுயற்சி! அனுப்பும்
பேரார்வ ஊற்றுகள்! புத்துயரத்திற்கு!
வேதா. இலங்காதிலகம் - தென்மார்க் - 10-10-2026
முதுமையின் தெளிவு
மயற்கை தரும் இளமை
செயற்கை யற்ற பசுமையானது
வயதின் வரைகள் தசையில்
இயற்கை மடிப்புகள் ஆகின்றது
¤¤
பளிங்கு முகம் மாறிட
ஒளிர்வற்ற தளர்வு ஏறுகிறது
தெளிஞன்(அறிஞன்)ஆகிறான்
தெளிவுடை அறிவால்
நெளியாது நிமிர்கிறான் குணத்தால்.
¤¤
பிளவுபடாது சமூகத்தை நேராக்கி
மாளிகையாக்க அயராது முயல்வான்.
வெளிப்படையாக இறப்பின் முன்
துளியாகினும் மனிதநேயம் பேணுவான்.
¤¤
வேதா. இலங்காதிலகம் தென்மார்க் 15-10-2026
சான்றிதழ்க் கவிதை• 14 -
இரவி கலை இலக்கிய காலாண்டு சஞ்சிகை.
தலைப்பு -
களத்துமேட்டிலே நிழல் குடையிலே.....
00
பகட்டான நீலஆகாசம் பச்சை வயல்//
பக்கத்தில் ஆருமில்லை சூரியனும் வெக்கத்தில//
பதுங்கிட நினைக்கிறான் ஆகாசத்தினுள்ளே//
பக்கலில் வாயேன் விரசா அணைப்பேன்டி!//
00
வீட்டோடு பொண்ணு தர நாளாகும் நீண்ட//
ரெட்டைச்சடை மல்லிகையில் சோக்காய் இருக்கிறாயடி! //
எட்டி இருக்கிறியே கிட்டே வாவேன்டி! //
கொட்டித் தீர்க்க வாலிபஆசை ஏங்குதடி! //
00
மண் கொத்தும் மாமனுக்கு எதிர்காலம் ஓசரந்தான் ! //
மையலையும் பழஞ்சோறில் குழைப்பவளே ராசாத்தி! //
மருதாணிக் கன்னத்தை மாமன் சொத்தாக்குவேன் //
மஞ்சள் தாலியோடு கொலுசும் காத்திருக்கு! //
00
கோயிலுக்கு வடக்கிலே கொல்லைப் புறத்திலே //
கிணற்றடியில் முத்திட்டோம் கிராமியக் கண்ணழகே! //
காத்திருந்தது போதுமடி கண்ணால நாள் II
காண ஏங்குது மனசடி சொக்கியே! //
00
கவிச்சாகரம் - வேதா. இலங்காதிலகம். தென்மார்க் -27 -3-2026
https://www.facebook.com/sownthary.sivananthan/videos/2389021425202726
சிட்னி வானொலிக் கவிதை.
¤¤
இரவின் கருமையை சூரியன் மெல்லுகிறான்.
பரப்பும் கதிர் ஆனந்தத்தைக் காட்டுகிறது.
விரவும் நதி அழகாகப் பிரதிபலிக்கிறது.
சருகுகள் மறுத்தாலும் நதி நகர்த்துகிறது.
அருகருகாக அனைத்iயும் ஒன்று சேர்த்து
விருப்போடு அசைகிறது நதி அற்புதமாக.
¤¤
வேதா. இலங்காதிலகம்.- தென்மார்க் -26-9-2026
https://www.facebook.com/sownthary.sivananthan/videos/28447169218277452/
சர்வதேச அமைதி நாள் (புரட்டாதி - 21)
