தமிழா! இன்றும் நீ அகதியா! உன்னைக் காப்போர் யார்?
தமிழா! தமிழா! உன் தலையெழுத்தென்ன!
தாய் நாட்டிலும் ஒரு அகதி நிலை.
தங்கும் இடமெங்கும் நீ அகதியன்றோ!
தரத்தில் நீயொன்றும் அகதியில்லையே!.
உலகில் உன் திறமையை நிரூபித்துள்ளாய்!
கலகம் அடக்கும் வகை தெரியவில்லை.
வெளிநாட்டிலும் உன் வேகத்தைக் காட்டுகிறாய்.!
வெகு சாதுரியமாய் உன் காய்களை நகர்த்துகிறாய்.
கம்பியூட்டரில் பிற நாட்டிற்கு ஆலோசகராகிறாய்!
கட்டிட வேலையில் அதை வாங்கி விற்கிறாய்!
கழுவும் வேலையிலிணைந்து கம்பெனி நிறுவுகிறாய்!
கடின உழைப்பில இலக்கம் ஒன்றாகிறாய்!
கலைகளில் உலக தரம் எடுக்கிறாய்!
கருமமே கண்ணாக தாயகத்திற்கும் உதவுகிறாய்!
கண்ணியமற்ற அரசால் பிறநாட்டு; ஆதரவு
கறுப்பாகத் தெரிகிறது, கவலை பெருகுகிறது.
கவசகுண்டலமாய் நல்ல கடின உழைப்பு
கைவசம் உள்ளது வெளிநாட்டுத் தமிழரிடம்.
கருணை மனதாளரான கர்ணமனத் தமிழரே!
கடவுளராக இன்று தமிழரைக் காப்போர்.
கருத்துகள் இல்லை:
கருத்துரையிடுக