ஆண்டிடட்டும் எம்மை ஆனந்தமாய்
தீண்டியது மறுபடியும் தீப ஒளியாக
தாண்டிட வந்தது புது வருடம்.
ஆண்டகைமை காட்டி அடியெடுக்க எம்மை
ஆண்டிட வரும் காலப் படியாம்.
காணாக் காதலர் மணவினைக்காய்க் காத்திருக்க
வீணா கானமுடன் அரங்கேற்ற நேர்ந்திருப்பு
தூணாய் நம்பிக்கையைக் கெட்டியாய்ப் பிடித்து
நாணாய் நிமிர்ந்திட நல்லவர் காத்திருப்பு.
நேசங்கள் பிறவி பிறவியாய்த் தொடர
பாசங்கள் பாரமின்றிப் பரவி இசைத்திட
கேசம் கோதும் பரிவுகள் பெருகிட
வாசம் கமழும் ஆண்டாய் விரியட்டும்.
வேதா. இலங்காதிலகம். டென்மார்க்- 2-1-2019
கருத்துகள் இல்லை:
கருத்துரையிடுக