அவுஸ்திரேவிய வானொலி கவிதை
விரும்புவதும் விரும்பாதவையும்.
அகம் திறந்து பாராட்டும்
முகம் மலரும் நட்பு
தகவான சோலைக் குளிர்ப்
புலவேளியோடு ஒரு வீடு
சிறிய அலை சேர்வதும்
சிதறுவதுமான கடல் வெளி
புரளும் சொற்கள் கவிதையாய்
வரட்சியின்றி ஆன்மாவை நீவ வேண்டும்.
திரளும் உயர்ந்த இசை
தரளம், தாமரை பயமற்ற
மிரளாத குழந்தை இன்னும்
பற்பல விரும்புவது
மன உறுதியற்ற மனிதர்
விழி மூடித் தலை சாய
வழிநெடுகத் தோப்பற்ற பாலைவனம்
அன்பெனும் ஆயுதம் தொலைத்து
நயவுரைக்காத மனிதராக ஏக்கமும்
வாதையும் நிறைந்த உலகு பிடிக்கவில்லை.
19-6-2020.
கருத்துகள் இல்லை:
கருத்துரையிடுக