525 (1068) uudakam - இழப்பு இரசனையற்றது. - மதிமலர்

                      இழப்பு இரசனையற்றது. - மதிமலர் இதழுக்கு17-9-2025

     

                                    

இழப்பு இழப்புத் தான்!

குழப்பி மனிதனைக் கலக்கும்.

உழப்புக் (வருத்தம்) குறைய, மனோதிடம்

இழக்காது உழத்தல் (வெல்லுதல்)அமலம் (மாசற்றது).

இழப்பு பொருளானால் ஈட்டலாம்.

இழப்பு உயிரானால் வழியேது!

இழப்பாளியின் பலவீனம் தோல்வி.

எழல் எழிலான புரவி.

   

சிலரது பகிரங்கப் புலம்பல்

சிலரது ஊமைப் பல்லவி.

தோகை விரிக்கும் மனோதிடம்

வாகை மலராடை போர்த்தும்.

பரிவுச் சிறகணைப்பு இதமது

விரிக்கும் நம்பிக்கை மழை.

தரிக்கும் சிந்தனைச் சறுக்கல்

சிரிப்பை அற்ற (வற்றிய) குளமாக்கும்.

பா வானதி வேதா. இலங்காதிலகம்.  டென்மார்க்  25-2-2015