வாய்ப்பு
வாய்ப்பு வாசலில் கோலமிடுதல்
ஆய்வுக்குரியதல்ல, சடுதியாய்
வியப்புடன் முயங்கும் எம்மை.
வாய்ப்பை வாகுடன் பயனாக்கிடில்
வாலாயமாகும் உயர்வு, புகழ்.
வாய்ப்பை வழுகவிட்டுத் தன்னை
ஏய்ப்பவரும் வியப்புக்குரியவரே!
வாய்ப்பைச் சாய்ப்போரும் வியப்புடையோரே!
மாய்த்திடாத திடம் உண்டு
சாய்த்திட வைக்காமல் மனதை
ஏய்த்தல் காய்த்தலின்றி என்னருகே
வாய்ப்பே வருக! வருக!
ஆய்வோடு பாக்கள் மேய்ந்து
மாய்ந்து மாய்ந்து புனைகிறேன்.
ஏய்ப்பதேன் எட்ட நின்று!
வியப்பின்றியருகே வா! வா!
14-9-2010
கருத்துகள் இல்லை:
கருத்துரையிடுக