நம்பிக்கை விடிவெள்ளிகள்.
ஊடகங்களுக்குள் போட்டி உயர்ந்திடவும்
ஊன்றி நிலைக்கவுமுயிர் வாழ்ந்திடவும்
உருப்படாது அழியவும் உருவாகவும்
உலகெங்கும் போட்டி போட்டி
பூ மலர்ந்து வீழ்ந்தால்
காய் ஒன்று முளைக்கும்
கிளையொன்று முறிந்தால் புது
முளை ஒன்று வளரும்.
மூழ்கிடும் சீவனுக்கும் தருணத்தில்
ஆழ்கடலிலொரு தெப்பம்
நல் நம்பிக்கை விடிவெள்ளி
நல்லுயிர் தரும் சீவதுளி.
முல்லைக்குத் தேரீந்த பாரி
தொல்லையில் கையிணைக்கும் உறவுகள்
எல்லை வகுத்திடா அன்புள்ளங்கள்
இல்லை நமக்கினித் தொல்லைகள்.
துன்ப அலைகள் புரளும்
செவிட்டுக் கரைகளில் மோதும்
இரும்பு இதயங்கள் இறுகும்
இற்றுத் துரப்பிடித்து வீழும்
இளகிய இதயங்கள் வளையும்
இழைந்திணைந்து உலகை வெல்லும்
துன:பம் ஒன்று வந்தால்
புடிப்பினை ஒன்று தோன்றும்.
31-7-2001
வேறு
யார் யாருக்கு....
எண்ணும் எண்ணங்களிலும்
நண்ணும் செயல்களிலும்
மண்ணில் யார் யாருக்குத்
துணை அருகாக எப்போதும்
இணையாவது யார்! – மாபெரும்
துணை தனது மனமே. – எறி
கணைகளுக்கும் சாயாத மனமே.
அணைக்கும் நம்பிக்கையே தூணாகும்.
23-7-2010
கருத்துகள் இல்லை:
கருத்துரையிடுக