முதலை வாய்.
இன்புறவு (மகிழ்கை) இன்மையாக்கும் வன்மை
இன்னல் தரும் பேராசை
இன்னணம் சொத்துகள் இழத்தல்
சூதாட்டமென்ற முதலை வாயுள்.
பெரும்புள்ளி நாடி தொழிலுக்காய்
பெண் தனி வழியேகல்
கன்னிமை காவு கொள்வார்
காமக்கொடு முதலை வாயர்.
சோம்பலில் கண் மூடியசையாது
சேற்றிலே காத்திருந்து இரையை
சாகசமாய் 'லபக்'கென்று விழுங்கும்
சாதக பணப்பேய்களே முதலை வாய்.
குழந்தை உணவிலும் கலப்படம்
குடி கெடுக்கும் குணத்தடம்
வளர்ச்சி ஆரோக்கியம் விழுங்குதல்
பணப்பேய் முதலை வாயதுவே.
ஓரடி ஈரடியாய் வெளிநாட்டாசை
பேரடி தரகர் பின்னே
வேரடி மண்ணை விற்றேமாறும்
முதலை வாய் தரகரில்.
வாய் திறந்து உறங்க
பல்லிடுக்கு அழுக்கு உண்ணும்
குருவிகள் தான் ஏழைகள்
படிப்பிற்கு பணம் பிடுங்கிகள்.
கோவில்களில் சாமி தரிசன
பணம் பிடுங்கும் அசிங்க முறை
பணப் பேய்கிளின் முதலைப்
பிடியாம் முதலை வாயதுவே.
வழக்கு வம்பு நகர
பாதுகாவல் அனைத்தும் சிபாரிசு
பண வட்ட வாசியன்றோ
முதலை வாய் தீனி தானே!
20-7-2016
உண்மை
பதிலளிநீக்குஅருமை