அன்பின் தேடல்.
ஊன் உயிராய் உலவிக் கலக்கும்
தேன்மொழி மாந்தரையும் விரவும் கலக்கும்.
தேன் மாந்தும் வண்டுகளையும் இணைக்கும்
அன்பு ஒட்டியுறவாடும் உலக இயக்கம்
இன்புருவான உன்னத உயிரிணைப்பாம்
வன்மையற்ற மென்மை மனதின் முயக்கம்.
தென்றலின் தடவலில் துய்க்கும் உலகம்.
கன்றின் உரசலில் சிலிர்க்கும் தாய்மை.
நீரின் தழுவலில் துளிர்க்கும் பூச்செடி.
அன்பின் ஆதரவிற்கேங்கும் உயிர்கள்!
இவ்வாடலிற் தானே பிரபஞ்ச மயக்கம்!
இத் தேடலிற்றானே உலக இயக்கம்.
12-6-2002
ஜேர்மனி வெற்றிமணி பத்திரிகையில் வெளியானது 2002ல்
கருத்துகள் இல்லை:
கருத்துரையிடுக