விளையாடலாம் வா!
சேற்றிலாடி மழையில் நனைந்து.
காற்று வாங்கிக் குளிரிலாடி
தொப்பலாகித் தாளம் தட்டி
கப்பல் விட்டு விளையாடலாம் வா!
மழை விட்டதும் ஆடை மாற்றி
குழை நீரைக் குலுக்கித் தெளித்து
பல்லாங்குழியும் ஆடுவோம் வா
ஓடி வா! விளையாடலாம் வா!
எட்டுக் கல்லு சோகியாடி
வீடு கட்டி சோறாக்கி
கில்லியடித்து கிளித்தட்டு ஆடி
கிலுகிலுப்பாய் விளையாடலாம் வா!
அம்மா அப்பா விளையாட்டு
வாத்தியார் பாடசாலை விளையாட்டு
தபால்காரன் தபாற் கந்தோர்
எல்லாம் விளையாடலாம் வா!
13-7-2016.
கருத்துகள் இல்லை:
கருத்துரையிடுக