காணிநிலம் வேண்டும் பராசக்தி
காணிநிலம் வேணடினார் மகாகவி....
வாணி கடாட்சத்தில் பாரதி
காணி நிலம் வேண்டி
கேணியும் அருகினில் நிறுவிட
ஆணித்தரமாக ஆசை கொண்டார்.
00
காலி நிலத்திற்கு அச்சறுக்கையாய்
மாடு மேயாத நிலையாக்க
தாலியாகக் காணிக்கு ஒரு
வேலி படலை வேண்டுமன்றோ!
00
ஆலை நிறுவத் தேவையில்லை
சோலை நிலையும் உருவாகவில்லை
காலை மாலை பணக்
கட்டுப்பாட்டு அதிகாரிகள் கெடுபிடி.
00
ஏணியும் இல்லை ஏறிட
கேணியருகில் தென்னையும் - பொன்னாங்
காணியும் பிடுங்க இயலவில்லை
வாணியருள் சுலபமாகக் கிட்டுமோ!
00
20 - 12 - 2022
