பிறை முழுமதி ஆகும்
00
ஏன் மாறினாய் தேன் அன்பை
ஏன் விலக்கினாய் உன் பாதையில்!
வன்மை வாழ்வு வழி மாற்றியதா!
இன்ப துன்பக் கட்டில் புரளுதா!
00
அள்ள அள்ள உறவு இனிக்கும்
உள்ளம் அள்ளிட மறுப்பது காலம்
பள்ளம் இது பரவசமோ வாரிசுக்கு!
கள்ளமற்ற பாதையில் தொடர ஏறு!
00
நிறை அறிவு பழி வாங்காது
அறைகூவாது ஆத்திர மிகுதியில்
இறையாக உறை! கறை களரும்.
பிறை முழுமதி ஆகும் வழமை.
00
வேதா. இலங்காதிலகம் -தென்மார்க் - 20-6-2023
வானிலை அறிக்கை போல... வாழ்க்கை அறிக்கை உண்டா?.
00
தந்திரம் கொண்ட மனநிலையால் விலகி
மந்திரமான மனிதநேயம் அணைப்பது நலமிகு
சுந்தரமான பிள்ளை வளர்ப்பில் உருவாகும்.
தன் காரியம் முடிக்க ஏமாற்றும்
பின்னோக்கும் சூறாவளி மனநிலை அறிய
சின்ன வானிலை (வாழ்க்கை) அறிக்கையும் வராது.
பின்னிப் பிணைந்து தீக்குச்சியாய்ப் பற்றும்.
அன்ன மனித மனம் புரியாதது.
ஒவ்வொரு விநாடியும் வௌ;வேறு முகங்களில்
அவ்வொரு மனிதரில் பூக்கும் வஞ்சம்
பூசல் மழையும் பூகம்பமும் மன
பூஞ்சணங்களும் பூங்கணையும் ஒன்றாகிறது பூவுலகில்.
00
மீன்கள் நீரில் உறங்குமா!
ஊன் தேடி அழுதிடுமா!
நோன்பில் மந்திரம் செபிக்குமா!
வானம் அதனைப் பார்க்குமா!
நானும் பார்த்திட ஆசை.
00
பூமிக்கு மட்டுமா பொறுமை!
வானுக்கும் சொத்து பொறுமை.
தனதென எதையும் பார்க்காது
தனதான பாதையில் பயணம்.
மனமார மகிழ்வுடை பயணம்.
00
வேதா. இலங்காதிலகம். தென்மார்க். 23-5-2023
ஆலமர விழுதற்ற அவலநிலை மனிதக்காட்சிச் சாலை மிருகக் காட்சிச் சாலை மாறி மனிதரே மறந்த மனிதம் போனதால் மனிதக் காட்சிச் சாலை...
