418 (951) அன்பெனும் சுடர்.

 

            

    அன்பெனும் சுடர்.

(திகம்பரன்-கதியற்றவன்-சிவன்)

00

முன்னம் செய்த தவமென்பேன்

மூத்தோர் தந்த வரமென்பேன்

கன்னி நீயென் கை சேர்ந்தால்

கணமே உயர்ந்த பிறப்பென்பேன்

00

மின்னல் அன்ன பூஞ்சிரிப்பில்

மீளாதென்னைச் சிறையிலடை

கன்னற் செம்மை நிறங்காட்டி

பின்னும் உலகைச் சிறப்பாக்கு.

00

இணைந்தாடி ஒன்றாகும் இதயம்

இடைவெளி களைந்து இசையுமிழும்

பிறப்புடன் திறமை பிறக்கிறது

மெருகூட்ட சாம்பிராணியாய் மணக்கிறது.

00

கோபதாப மனச்சுழலைப் புறமுதுகிட

தீபமாவது அன்புச் சுடர்

திறமைகள் திகம்பரன் இரகசியமல்ல

அறிவில் உயர்தலே வாசித்தல்

00

கவித்தாமரை - வேதா. இலங்காதிலகம்.தென்மார்க் -28-10-2023

417 ( 950) மதிப்பற்ற நிலவுகள் பூமியில் - ஆங்காரம்...

   

            

மதிப்பற்ற நிலவுகள் பூமியில்

முத்த இதழ்கள் பிரிந்து சிதறின.

சத்தம் வேண்டாம் பக்கத்துப் பேயின்

பித்துக் காதலன் தாங்க மாட்டான்.

அத்தனைபொறாமை அப்பிய உருவம்

00

பரவசம் எமக்கு!  அரவம் தீண்டுமவனுக்கு!.

சரசம் தாங்காத ஆற்றாமை மனம்!

பரதம் ஆடும்  வார்த்தைகள்!  ஊத்தை

நரகம் அவனுக்கு வரமான உதாரணம்.

00

பூந்தளிர் பரத்திய வானத்தை ரசிக்க

முந்தாத நெஞ்சு    கீற்று நிலாவை

பாந்தமாய் மனம் சந்திக்காத நிலை

சீந்தாத நிலவே  பூமியில் இவர்கள்.!

00

-----------

ஆங்காரம்...

ஆங்காரம் திமிரின் ஆட்டத்தைக் குறைத்தால்

ஓங்காரம் மனதுள் பாங்காக நுழையும்.

தீங்கான எண்ணத்துத் தீயின் ஆட்டம்

நீங்கிடும் நிலையாய் நிச்சயம் நிச்சயம்!

00

பெரியவர் நடத்தை பெருமையாய் இருந்தால் 

உரிமைகள் தானே உறைவிடம் நாடும்

பரிதாபம் பண்பைக் கைவிட்டு நழுவும்

மரியாதை நன் மனதால் உருவாகும்.

00

வேதா. இலங்காதிலகம்- தென்மார்க் - 23-10-2023

416 (949) நன்நிலை ஒருமைப்பாடு.

 

      

நன்நிலை ஒருமைப்பாடு.

குறளே உலகப் பொதுமறை

திறனை நினைத்தால் மகாசக்தி

திறமை வினையாகில் மனிதமாவாய்

புறமாகிடாது நாளும் காத்திடும்

00

புத்துலகு அமைக்க நாதன்

சத்துத் தந்தான் ஞானமாக

உத்தமமாய் மக்கள் மகிழ

எத்துணை சிறப்பு வழி!

00

முத்தாக அமைந்து உயர

ஓளவை  தந்த  நன்நீதி

கௌவி நீயும்  வளர்ந்திடுவாய்!

கௌரவமாகும் உன் வாழ்வு

00

உனக்காக நிலவு காயவில்லை

எனக்காகவும் மலர் மலர்ந்து

தினகரனும் கதிர் வீசுகிறது

அனந்த வீரியமாக நடைபோடு!

00

உன் பாடு பொருள்களில்

உன் இரசனைக் குறிப்புகள்

இன்னிசை ஆலாபனை ஆகட்டும்

நன்நிலை ஒருமைப்பாடு வளரட்டும்

00

கனல்கவி -வேதா. இலங்காதிலகம் - தென்மார்க் -17-10-2023

415 (948) நாண் (தூண்) நீ!

 

நாண் (தூண்) நீ!

உறவென்று நினைத்தால்  உள்ளம் மகிழும்

அறமற்ற உறவு அருவருப்புத் தரும்

திறம் எது! அன்பு செய்தல்

இறப்பு வந்தால் எது மிச்சம்!

00

எல்லையிட்டு வரையறை செய்தல் அச்சறுக்கை

தொல்லை  யில்லை  அன்பு மிக்கோர்

சொல் செயல் உறவாடும் ஒழுக்கம்

பல் நலம் உறவாடும் கோட்பாடு

00

குலம் விளங்க மனிதநேயம் பேணாவிடில்

பல கலைகள் கற்றும் பயனென்ன!

நலம் தரும் வெண்மை மனம்

பலம் தரும் வல்லவராய் வாழ்!

00

மாண்புறு மனிதனாய் வாழ முயலு!

காண்கிற மக்களைக் கவர்ந்து இழு!

தூண் போன்று பண்பாட்டைத் தாங்கிடு!

நாண் நீ நல்ல சமுதாயத்திற்கு!

00

கிட்ட மரணத்தைத் தொட்டவரையும்

எட்டி சுக நலன் விசாரி

தட்டி நலன் கேட்காதவன் மனிதனில்லை

எட்டிப் போவது நோய் மனம்

00

கவிச்சுடர்  -வேதா. இலங்காதிலகம் -தென்மார்க் -14-10-2023