கடலோடு பேச்சா!
கடலோடு பேசுகிறானா! அங்கும் மௌனமா!
அட தனிமையா! அடக்கும் கட்டுப்பாடா!
இடக்கு முடக்கான வாழ்க்கைத் துணையா!
இடமில்லையா உன் உறவுகளுடன் உறவாட!
00
முகநூலிலும் உறவை முகர்ந்திட முடியாதா!
அகமகிழ வாட்ஸ்அப் உறவு இல்லையா!
அன்பு பொக்கிசம்! கொண்டாடத் தெரியாதா!
அன்பை உணரத் தெரியாத பிறப்பா!
00
கடற் காற்றாய்த் தழுவிய அன்பு
தடமிட்டது உண்மையாய் உறுதியாய் அன்று
விடமாகி வேசமானதா காலூன்றியதால் இன்று!
கடந்திட்ட தனிமைத் தீவா இது!
00
அன்பு இவ்வளவு தானா! வேடம்
அருமையாய் கலைகிறதா! சிகரம் ஏறாதா!
பருமனாகாதா பந்தம்! மனநோயை மாற்று!
பெருமையாக மாற்று! வழமையை மாற்று!
00
இன்ப உணர்வு இதம் தரும்
இந்த வெள்ளிகளுடன் உறவாடு! அது
சொந்தங்கள் போன்ற சுகம் தரும்!
பந்தமென மண்ணை அளைந்து மகிழு!
00
வேதா. இலங்காதிலகம் தென்மார்க் 20-9-2023
ஆலமர விழுதற்ற அவலநிலை மனிதக்காட்சிச் சாலை மிருகக் காட்சிச் சாலை மாறி மனிதரே மறந்த மனிதம் போனதால் மனிதக் காட்சிச் சாலை...