சந்திரோதயம் முகநூல் இதழ் - மதிமலர் March
மாற்றம் வேண்டும் (புதுக் கவிதை)
00
அந்தம் வரை தனிப்பாதையாய்
சொந்தப் பாதைநடையில் அவதானமாய்
பந்தமான பிற உறவுகளை அலட்சியமாக்கும்
இந்த உலகு மாறிவிட்டது
00
குழந்தையாய் அணைக்கும் புத்தகம்
குடமுனி (அகத்தியர்) போல் அறிவீந்திடும்
திடமாய் மயக்கும் சுவகை (கள்)
விடமல்ல பெருநிதியாகவும் பேரறிவீயும்
00
இஞ்சேருங்கோ! இஞ்சேருங்கோ!
ஆமையோட்டில் தலை யடக்குவதாய்
ஐக்கியமான புலனடக்கம் தேவை
ஐம்பொறியாவும் தீப்பந்தம் தான்
00
கற்றவர் நடத்தை கருணையோடு கலந்தால்
சுற்றம் சூழும் செழித்து.
முற்றுப்புள்ளி அரைப்புள்ளி ஒற்றிக்காட்டல்
நற்றமிழ் என்றும் நலமுறவைக்கும்
00
வேதா. இலங்காதிலகம் - தென்மார்க் - 6-2-2023
-----------------------
2
சந்திரோதயம் முகநூல் இதழ் - மதிமலர் - காதல் கவிதை
00
அவனியடங்கலும் காதல்
00
உன் மௌனத் தியானத்தில்
என் காதல் கருவெழுகிறது.
உன் கண்களின் அசைவில்
சின்னக் கவிதைகள் நெடுங்கவிதைகளாகிறது.
சின்னக் கிள்ளலில் உவமையணியும்
பென்னம் பெரிய உருவகமும் உருவாகிது.
00
ஆக்கிரமிப்புக் குணமேன் காதலின்றி
உக்கிரமாய் மாறுகிறது. அதனால்
கூக்குரலிடுகிறது வேதனையின் மௌனம்.
பூக்களின் தேன் ருசித்த
ஊக்கம் எங்கு மறைந்தது.
திக்கெட்டும் பரவுமா காதல்!
00
இனிமை எண்ணங்கள் திகட்டட்டும்
தனிமைக் கடலில் காற்று
தனியாக நதியிலாடும் காற்று
எதுவும் சொல்லாது சிறகுவிரித்து
எவரையும் கணக்கெடுக்காது அவனியடங்கலும்
இனிய காதலாய் வீசுகிறதே!.
00
6-2-2023