சிறகடிக்க ஆசை
தண்ணொளி நிலவாய், தரணியில் காற்றாய்,
மண்ணிலே கதிராய் மகிழ்ந்து சிறகடிக்கலாம்.
கண்ணிலே தோல்வி காணா இவைகளாய்
மண்ணில் புதையாத மகாஞானச் சிறகடிக்கலாம்.
விண்ணெங்கும் அளந்து வித்தாரக் தமிழாடலாம்.
அரியவறிவுக் கர்ப்பமுடைய அர்த்த பதங்களில்
விரியும் கவிதை வீரிய இறகுடன்
உரிமையாய்ச் சட்டமிடாத உயர் சுதந்திர
உரித்துடை வானில் உயரவேற ஆசை.
கரிசனையாய் என்றும் கருணையாய்ப் பறக்கலாம்.
செயற்கை மலிந்து சீரற்ற இடமின்றி
இயற்கை நிறைந்த இகலோகம் தரிசித்து
மயற்கை இன்றி மகிழ ஆசை.
முயற்சி ஆசைக்கு மும்மாரி பொழியும்.
தயக்கமின்றி வெற்றித் தரவு எட்டலாம்.
பால வயதிற்கு மறுபடி செல்ல
பார்த்து வளர்ந்த பாதமிட்ட வீட்டை
நேர்த்தியான உறவுகளை நேரிலெம் நாட்டில்
ஈர்த்திடும் பூங்கா கானக உலாவென
தீர்த்திட வேண்டும் சிறகடிக்கும் ஆசைகளை.
13-4-2018