பசுந்தான பண்பு.
முதலாவது வலையில் 300வது கவிதை பண்பு தலைப்பில் உள்ளது.
https://kovaikkavi.wordpress.com/2014/01/02/299-%e0%ae%aa%e0%ae%a3%e0%af%8d%e0%ae%aa%e0%af%81/
Samme karu.:-
https://kovaikkavi.wordpress.com/2014/01/02/299-%e0%ae%aa%e0%ae%a3%e0%af%8d%e0%ae%aa%e0%af%81/
சிலர் மட்டும் ஏனிப்படி..
செம்பருத்திக்கு மனமார்ந்த நன்றி
https://www.facebook.com/sownthary.sivananthan/videos/10159051028638984
https://www.facebook.com/sownthary.sivananthan/videos/10159029202278984
மணிகாட்டிக் குடை
விநாடிகள் வைரத்துகள்கள்!
நிமிடங்கள் தங்கப் பாளங்கள்!
மணித்தியாலங்கள் மகத்துவங்கள்!
கணிப்பீடுகளில் ஏன் கவனக்குறைவு!
கடிகார அசைவு மதுரமந்திரம்!
காலப்பிரமாணம் கவனத்தில் நழுவலாமா!
அவசியமற்ற கேள்விகள் கேட்டு
தவமுடைய விலைமதிப்பற்ற நேரங்களை
அவமாக்குதல் விலக்குக!! நிற்காது அது!
அவதாரம் மறுபடி எடுக்காது!
அவநெறியற்ற நிர்வாகி பணிந்தால்.!
அவதானமாகக் கையாளுகை பொன்.!
மணிகாட்டிக் குடையின் கீழ்
அணிபெறும் வாழ்வின் மந்தகாசம்!
கணிதமிடும் காலமதிப்பின்
கோலம் கவினுறு கவிதையாகும்.
நேர நிர்வகிப்புத் தவறினால்
நாகரீகம் நிலவறையேகும்!
நேரம் நகரும் அடையாளம்!
உரமான வினைகளின் உன்னதம்.!
வரமான நம்பிக்கைத் தரிசனம்.!
தரமான வளர்ச்சி இன்பம்.
விரயமாகலாம்- நாளை அது கனவு!
கரத்திலெடுங்களின்று வாழ்வினிக்கும் நேரமேலாண்மையை!
21-8-2020
காற்றுவெளிக்கு மனமார்ந்த நன்றி. வாழ்க! வளர்க!
செனித்தலின் சென்ம பலன்.
திருவுடை வானம் போல
அருமையாய் நீந்திய அலை
உருப்பெற்ற உல்லாசப் பன்னீர்
எவரும் தொடமுடியாதது.
கருவில் இருந்து வெளியேறிப்
பெரும் சத்தத்தில் கலந்தோம்.
பூப்போல கரத்தில் ஏந்தினர்.
பூசைப் பொருளாய் அன்பிலாடுவோம்
பூமியில் பிறத்தல் மகிழ்வு
பூரிக்கும் மனிதப் பூவாகுதல்
பூக்கும் ஒரு நிகழ்வு.
மெல்ல மெல்ல அகர
வில்லெறிதலில் தொடக்கம்
வல்லமை, அதிகார ஏளனத்
தோல்வி ஆயுதம், இளக்காரம்
சொல்லதிகாரச் சிம்மாசன அமர்வு.
வீழ்புனல் வாழ்வில் சிறகடித்து
ஆழ்ந்திடாது உயரப் பறக்கும்
மூழ்குதலற்ற வாழ்வு இது
வீழ்ந்திடாதே! பரமபத ஆட்டமிது!
தாழ்ந்திடாது தூசகற்றி எழுதலுயர்வு.!
இனித்தமுடைய எண்ணச் சொற்கடலுள்
அனித்தமுடை(நிலையில்லாத) வாழ்வை வெல்லுதலில்
குனித்தல் (வளைதல்) நிமிர்தலாய்ச் சாகசங்கள்
தனித்துத் தடுக்காது தொடர்தல்
செனித்தலின் சென்ம புண்ணியமே.
பா வானதி வேதா. இலங்காதிலகம்.
டென்மார்க். 16-8-2020
(2004 ல் மண் சஞ்சிகையில் சித்திரை மாதம் வெளியான எனது கவிதை.)
தாரண ஆண்டே வருக!
தாரணி சிறக்க் தவழ்ந்திடும் புதிய ஆண்டெ வருக!
தாரண ஆண்டெனப் பெயர் தாங்கித் தமிழாக வருக.
சுப சகுனமாகச் சுடர் ஏந்திச் சுவாசம் தருக!
சுற்று முற்றும் சுபிட்சம் சுமந்து வருக வருக!
மனுநீதிச் சோழ மன்னனாக மனம் நிலைக்க
அனுகூல ஆராய்ச்சி மணியென அறிவுக்கண் திறக்க
மனுதர்ம வாழ்வு கோலோச்ச அனுராகமாகத் தாரண ஆண்டு
மகிழ்வோடு வருக வருக!
அன்னை நிலம் அன்னை மொழி கையிலாக வருக!
பின்னைக் கவலைகள் புறமாகப் புலத்தில் தமிழோடு வருக!
தென்னையாகப் பண்பு உயரப்இ பாசம் உயர வருக!
முன்னைப் பெருமைகளை வாரிசுகள் அறிந்து வளர வருக!
தாய் நிலத்து நலம் பெருகச் சமாதானம் தருக!
காய் மனங்கள் கனிந்து பகை நோய்கள் தொலைக!
தாரண ஆண்டே தாம்பூலத்துடன் முகம் மலர வருக!
பூரண கும்பமாக உன்னை வரவேற்கிறோம் வருக வருக!
ந.குலவேணி - ஸ்கன்டிநேவியன் ( என்ற பெயரில் எழுதினேன்)
ஆலமர விழுதற்ற அவலநிலை மனிதக்காட்சிச் சாலை மிருகக் காட்சிச் சாலை மாறி மனிதரே மறந்த மனிதம் போனதால் மனிதக் காட்சிச் சாலை...
