301. (864 ) ஊடகம் - வளரி - மனக் காப்பு.

 

வளரி புரட்டாதி இதழில்.. எனது கவிதை. இதழாளருக்கு மனமார்ந்த நன்றியும் வாழ்த்துகளும்.

மனக் காப்பு.

ஒன்றாக ஒன்றிய பாதையிது.

அன்றிலிருந்து இவளுக்கு உதவியது.

என்றும் இனியும் உதவுவது

நன்றான அவள் கரமது.

கணவன் வந்தான், கரைந்து

காதல் தந்தான், அவசரமாய்

காலன் அழைத்தான் தன்னுடன்

காப்பு என்றுமவள் மனமே.

பிள்ளைகள் வளர்ந்து தமது

பிரிய வாழ்வில் பிணைப்பு.

பிடித்ததிந்தத் தனிமை என்று

பிடிவாத வாழ்வு யோகமாக

போரில் உறவிழந்தவர் போல

ஊரில் யாருமற்ற வாழ்வாக

நீண்ட பாதையிலிவள் நடக்கிறாள்.

நீளம் எதுவரையோ யாரறிவார்!

மனதில் கருணை இணைந்து பெருகும்.

மனிதம் மரித்தால் வசந்தம் வருமா

இனிதாய் மனதைக் குவித்து உணரும்

புனித இணைப்பு மனதின் சுகமே-

( யோகம் - தகுதி)

23-8-2015