காணிநிலம் வேண்டும் பராசக்தி
காணிநிலம் வேணடினார் மகாகவி....
வாணி கடாட்சத்தில் பாரதி
காணி நிலம் வேண்டி
கேணியும் அருகினில் நிறுவிட
ஆணித்தரமாக ஆசை கொண்டார்.
00
காலி நிலத்திற்கு அச்சறுக்கையாய்
மாடு மேயாத நிலையாக்க
தாலியாகக் காணிக்கு ஒரு
வேலி படலை வேண்டுமன்றோ!
00
ஆலை நிறுவத் தேவையில்லை
சோலை நிலையும் உருவாகவில்லை
காலை மாலை பணக்
கட்டுப்பாட்டு அதிகாரிகள் கெடுபிடி.
00
ஏணியும் இல்லை ஏறிட
கேணியருகில் தென்னையும் - பொன்னாங்
காணியும் பிடுங்க இயலவில்லை
வாணியருள் சுலபமாகக் கிட்டுமோ!
00
20 - 12 - 2022
இனத்தை அளப்பது இலக்கிமாம்
கனம் அளப்பது தராசுகோல்
மனதை அளப்பது நடத்தை.
இனத்தை அளப்பது இலக்கியம்
உனது எனது நல்லதை
வானமளவான உன்னன்பு. எடுத்துரைக்கும்
எதுவாயினும் இறுதியிடம் சுடுகாடே
00
காதல் - காமம் மட்டுமல்ல வாழ்வு
காதல் இளமையோடும் தொலையும்
காதல் முதுமை வரையும் வாழும்
காதல் கொள்ளு அனைத்திலும்
மலர்ந்த மலராக மனதைவிரி
சொரி பரிந்த ஆதரவுச் சொல்
00
பொன்னிறகுகள் தேவையில்லைப் பறக்க
உனது கறந்தபாலான தமிழ் போதும்.
வழிந்து புலன்களைத் தூண்டி
சுழியோடும் கவித்துவம் என்னையும்
உலகையும் நனைக்கும் அது
உள்ளுற ஊறும் உணர்வு மழை
00
-28-11-2022
மன்பதைக்கு நன்மையாம் கவிமேகம்!
( மன்பதை – மக்கட் பரப்பு)
உன்னுள்ளுணர்வுக் கவிச் சொல்லோவியம்
உன்னூற்றுக் கவிதை என்னுள்
மென் சங்கீதத் தென்றலாய்
வான் நட்சத்திரப் பூக்களாய்
இன் நவரசம் தூண்டும்
00
பண்ணெனும் அமிர்தப் புல்லாங்குழலாய்
தண்ணருவிச் சாரலாய் விழும்
என்னுளுன் தேனருவிக் காவியம்!
மன்பதைக்கு நன்மையாம் கவிமேகம்
பின் தங்கி எங்கே மறைந்தது!
00
துள்ளருவியாய்ச் சலசலத்துத் தூவும்
வெள்ளப் பிரவாக வார்த்தைகள்
பள்ளம் மேடற்ற பக்குவமொழியடுக்கு
கள்ளம் கபடறியாக் குழந்தையாய்
துள்ளி என்றுவரும் ஊர்வலமாய்!
00
26-1-2001
விருப்போடு மலரட்டும்!
தேடித் தேடிக் கருத்துகள் அறிந்து
கூடித் தமிழ் சொற்களோடு
சோடித்து எழுதுதல் இன்பம்
நாடிச் சிறந்த கருத்து
போடுதலும் இன்பம்
00
வரிகள் ஒரு பக்கம்
உரிய படம் தேடல்
மறு பக்கம். இனிமை
கருத்து விழாவிடிலும்
கவிஞர் போகமாட்டார்!
00
கருத்திடல் என்ன
பெரும் தொல்லையா?
அருமையாகக் குவிதலும்
கருத்துக் குறைதலும்
உருத்துடை நேசமல்லவே!
00
உணர்வுகளை மனதிலடக்கும் லைக்குகள்.
மனம் விரிந்த கருத்துகள்
இனம் காட்டும் தமிழுணர்வை
இனம் காட்டும் தமிழறிவை
00
கருத்துக்கு எட்டாத கவிதையென்று
பருத்த மனது சுருங்குகிறதா!
குருத்தாய் விரி! மலரட்டும்!
செருக்கடை உன் தமிழால்!
00
-20-11-2022
(மதிமலர் முகநூல் மாத இதழின் .புதுக் கவிதை)
மிக்க நன்றி.
00
அங்கீகாரம்
அங்கீகாரத்தில் பூவாணமாய் மனம்
பொங்கி மின்னும் பூந்தூறலால்
இங்கிதக் களிப்பு விண்ணில் சொரியலாய்;
00
உரத்து உணர்வுகள் உயரும்
பரத்தும் வனக்காடாக பசும் நினைவுகள்
இரத்தம் உடலெங்கும் போர்த்தும்
00
எண்ணக் கட்டிலில் ஆனந்த
வண்ணங்களில் சுழியிடும் மீன்களாக
எண்ணிறந்த ஆனந்த வளையங்கள்
00
சிலிர்க்கும் உணர்வுச் சிந்தனைகள்
கெலிப்புடை சாய்வில்லாத் தமிழாகச்
சாகசமாய்த் தமிழ்க்கடலாகச் சாகுபடியாகட்டும்
00
- 19-10-2022
மதிமலருக்கு இரண்டாவதான காதற் கவிதை)
காதலாற்றுப்படை
00
கொண்டையில் மலர் சரியச் சரிய
கண்டபடி மனம் அலைய அலைய
வண்டுவிழிகள் எனை இழுக்குதடி
செண்டுப் பாவாகத் தொடுத்திட
பண்டுத் தமிழை மேய்கிறேனடி.
00
கலிங்கத்துப்பரணிக் கடைத்திறப்புப் பகுதியை
நலிவு அற்ற பரணியை
பொலிவுடை ஊடற் பிரிவை
பொருத்தமாய்ப் புரட்டிப் பார்த்து
பொழுது சாயமுன் சந்திப்போம்
00
தமிழாடிக் கவிதையாடிக் காதலாடி
தமிழ்ச் சொற்சுள்ளிகளை அள்ளிப்போடு
அமிழ்ந்திட வரிகளைக் கொழுத்திடு!
அமிர்தமாகட்டும் எமது சந்திப்பு.
அருகில் சேர்ந்து இணைவோம்.
00
வேதா. இலங்காதிலகம் -தென்மார்க் - 20-10-2022
கைக்கு எட்டாத வானம்
வானம் கைக்கு எட்டாததால்
வானவெளியை விட்டு வைத்துள்ளனராம்
நானும் நீயும் கனவுகளை
ஆனவரை வளர்த்து நிரப்புவோம்.
தேனமுத தமிழில் மூழ்குவோம்.
00
எதுகை மோனை சீரெனும்
பாதுகையோடு இலக்கியக் கவிதை
மோதுதல் மிக அழகு
கவிதை ஊர்வலம் ஒரு
மதுகைக் கனவு தேசம்.
00
வழிய வழியும் உணர்வுகளின்
அழியாத ஊர்வலம் கவிதைகளாய்
செழித்த நதி ஓட்டமாய்
கொழித்துச் சிற்றாறுகளையும் இணைத்து
விழி நிறைந்து தன் வழியேகுகிறது.
00
வரும் மழை கண்டு
பெரும் பூமழை சொரிவதாகப்
பாமழை மனதில் பொங்குகிறது
பகீரதியாய்ப் பார்த்தும் கேட்டும்
பாகுபாடின்றிச் சிந்தனை சொரிகிறது.
00
உன் காலடிப் பதிவிலே
என் கவியடி மனதிலே
நன் முதலடி தேடுதே
முன்னிலையாக மதிக்கும் வரி
மின்னலென ஒளிரட்டும் உலகிற்கு.
00
வேதா. .இலங்காதிலகம் -தென்மார்க்- 6-11-2022
( படம் - நாங்கள் ஒபேரா கட்டிடம் சிட்னியில் )
அகவெளியில் நிலைப்பது ஞானம்!
அறிவைத் தொலைப்பது சோம்பல்.
அன்பைத் தொலைப்பது சந்N;தகம்.
அகிம்சையைத் தொலைப்பது வன்முறை.
அக்கறையைத் தொலைப்பது அலட்சியம்
அச்சத்தைப் தொலைப்பது துணிவு.
அகவெளியில் நிலைப்பது ஞானம்.
00
பணமே கனதியெனும் சிந்தனையால்
குணம் சுமையாகி இனமொதுங்கும்
வன்சொல்லின்றி நன் சொல்லாக
தன்சொல் பிறத்தலே இன்சொல் பேசல்
மன்பதைக்கு உயிர்க் காற்று அன்பு.
தென்புடை பாலைவன நீரூற்று.
00
காட்டாறாய்ப் பெருகும் திறமையால்
கொட்டும் நல்லாக்கம் ஊன்றுதலால்
தேட்டம் பயிராக உயரும்.
சூட்டிக்கை (கூர்மை அறிவு) நாட்டம் புதிதாகும்.
தீட்டிட ஊக்குவிக்கும் போட்டியும்
போட்டுத் தாக்கும் ஈட்டியாக.
00
3-11-2022
காத்திடுங்கள் பழமையை
மொழி இனத்தால் விளைந்த மூலம்
வழி வகுத்தது புலம்பெயர் கோலம்
பொழிலெனப் பூத்த எம்தமிழ்க் கோலங்கள்
சுழிமிகு நவீன மேற்குக் கோலங்களால்
செழிப்பிழக்கும் செந்தமிழ் நாளங்கள்
விழித்துக் காக்கலாமோ நேரகாலத்தில்
00
பழிக்காது பயிலுங்கள் தாய்மொழி மூலங்கள்
மழிக்காது காத்திடுங்கள் தமிழ்ச் சொற்கோலங்கள்
அழிவுறும் எம் ஆதி மரபுக்கோலங்கள்
இழிவதைத் தடுத்தல் உயரறிவுக் கோலங்கள்
எழிலாம் தாய்நிலை உறவுப் பாலத்தால்
விழிப்புடன் காக்கலாமெம் பழமைக்கோலங்கள்.
00
-27-10-2022
(இல்லை ஒரு) எல்லை
00
சுதந்திரம் உரிமை உணர்வுக்கு
எல்லை தேவை.
பிறரை நோகடித்துக் காயமாக்குதல்
துன்பப்படுத்தல் எல்லை தாண்டிய பயங்கரவாதம்
மன ஆற்றலுக்கு இல்லை எல்லை
உடல் வலிமைக்கு உண்டு எல்லை
பொறாமை கோபம் பேராசை அடுத்தவர்
துன்பத்தில் இன்பம் மன எல்லைகளைக் கட்டுப்படுத்தாது
00
உறவுகளுக்கு எல்லையுண்டு பாசத்தின்
எல்லை மீறலால் துன்பங்கள் பெருகும்.
எழுத்திற்கு எல்லை ஏது!
கவிதைக்கும் இல்லை எல்லை
''கற்றது கைமண்ணளவு கல்லாதது
உலகளவு '' கல்விக்கில்லை எல்லை
வயதிற்கு எல்லை மரணம் எதையும்
எல்லைக்குள் வைத்திருப்பது எல்லையற்ற நிம்மதி.
00
உறவுகளுக்கு எல்லை போடக்கூடாது அதுவரை
இதுவரை செல்லலாமென்பது மாயத்தன்மை
நாகரீகம் சமூகப் பார்வையுமொரு எல்லை
தேவையற்ற இறுக்கம் தரும் அன்பைப்
பாழ்படுத்தாத எல்லை இனிமை தரும்.
ஆசை இலட்சியத்திற்கு எல்லையிடுதல் கூடாது.
பிறருடைய எல்லைக்கோட்டை மிதிக்காத வரை
எல்லையற்ற சுதந்திரம் தனிவிதி சமைக்கும்.
00
19-10-2022
உண்மையின் சுகம்
குடும்ப அமைதி அடிநாதமாய்
குடியிருப்பு அமைதியிலிதம் பெறுதல்
குருவிகளின் இசையிலும் குதூகலமடைதல்
முகில்களில் ஓரோவியம் தீட்டல்
இவைகள் தலையசைப்பிலும் ஓரிதமான
இசைத்தாளமிணைய இரசித்தல் இன்பம்
n0
தெளிந்த நீரோடைப் பளிங்கு நீரில்
குளிரக் கால்நனைக்கும் அமைதியும்
களிப்புமென்றும் ஆரத்தி யெடுக்கட்டும்.
வசந்தம் குடிகொள்ளும் சூழலில்
வன்முறை நோய் மொழியாளருக்கு
சின்ன வரவேற்பும் வாசலுமில்லை.
00
இன்னமுத அருளுடைய இதயப்பூங்காவில்
பின்னிய பாசப்பூக்கள் உணர்வுகளாக
இன்புநிலாப் பின்னணியிலாடி அசையும்
சின்ன அசைவிலும் சிலிர்க்க வைக்கும்
என்வீட்டுச் சுதந்திரக் கொடியின்
உன்னத அர்த்தம் உண்மையின் சுகம்.
00
16-10-2022
என்ன மனிதம்!!!!!
வயதானவர்களின் நிம்மதியை
உயர்நிலையாகப் பாதுகாக்க
செயல்-நடைமுறைகளில் இயல்பாய்
வியப்பின்றி நடையிடலாம்.
தயக்கமின்றி நயங்காட்டும்
சுயநலமற்ற நியதியாளராகலாம்.
00
கைபேசியில் பேசவும் கைராசியற்ற
கையறு நிலைமை துன்பம்.
வைகையாறாகச் சுதந்திர வரமோடு
தைரியமாகப் பேசுதல் இன்பம்.
நையாண்டி நிலைக்குச் சென்று
பைத்தியத் தனமாதல் பசுமையல்ல.
00
குரலைக் கே;ட்கவும்
தரமான தகவல்
அரங்கேறலை அறியவும்
இரங்க வேண்டுமா!!!!
இயற்கையாய் வெளியாகாதா!!!!!
இதயம் இறுக்கமா!!!!!
இலுப்பைக் கொப்பை
உலுக்குதலாக உலுக்க வேண்டுமா!!!!!
. 20-9-2022
ஆண்டவனின் புதிய உலகம்.
அதிகம் கெட்டு விட்டது
அதிகாரம் தலைவிரித்தாடுகிறது.
அதிக சொத்து சேர்த்து
ஆதி இயக்கர் நாகராகிறார்
புதிய உலகம் தேவையே
00
ஆண்டவன் என்னை அழைத்தால்
நாண்டு கொண்டு மறுப்பேன்.
வேண்டுதலும் ஒன்று உண்டு.
தோண்டித் தமிழ் படிக்கும்
பாண்டித்தியத் துணைகள் வேண்டும்
00
மாண்புடை எண்ணங்கள் விதைக்க
மாசற்ற அறிவு வயல்
மழலையில் தொடங்க வேண்டும்.
மண்ணிலே அகரம் எழுதி
மண்ணாசை பெருக்க வேண்டும்.
00
மகிமையுடை தன்னம்பிக்கைத் தூண்
மகாசக்தியாக மழலைகளிடம் ஊன்றி
மனதில் வஞ்சகம் பொறாமை
மகுடம் ஏறாது நேச
மகாநதி பெருக்க வேண்டும்
00
இயற்கைச் செய்வினைகள் உயர்த்தி
அயர்ச்சியற்று உழவு பெருக்கி
சுயநலப் பேய் விரட்டி
சுயாதிபதியாய் புது உலகம்
செயற்கையின்றிச் செயித்தல் வேண்டும்.
00
சோம்பலற்ற சத்திய நல்வினை
சுயகட்டுப்பாடு முதுமை போற்றுதல்
பயமற்ற பெண்மை வாழ்வு
பதியும் மதிக்கும் பெண்மை
புதிய உலகில் வரட்டும்.
00
இறை உணர்வு பெருகட்டும்
கறை துடைத்தால் உலகுய்யும்.
குறையற்ற உழைப்பு இன்பம்.
நிறைவு தராது அகந்தை.
சான்றோர் நட்பு புத்துலகீயும்.
00
-29 -6-2022
இலங்கையில் வெளிவரும் ஞானம் சஞ்சிகையில் எனது கவிதை.
மிக்க நன்றி ஞானம் குழுவினருக்கு.
00
வாழ்வைச் செதுக்கி எடு!
(அனித்தியம் - பொய். அனிதம் - கணக்கில்லாதோர். )
00
எதுவும் கடுமையாய் வரும்
பொதுவாய் மனது உடையும்
அதுவும் கடந்து போகும்!
இதுதான் வாழ்வு! நீயும்
செதுக்கி எடு சிந்தனையால்!
முதுமை வருமுன் முயன்றிடு!
00
மனிதனை மாற்றும் காதலே
அனித்தியத்தை முற்றாய் அழித்து
புனிதன் ஆக்கும் காதலே
அனிதம் பேர் உயர்வதும்
எனினும் அழிந்தோரும் உளர்.
தனிவிதம் மழலைக் காதல்
00
விழுத்த முடியாத வீரநடையுடய
எழுத்துலகம் ஒரு தனிப்பாதை
எடுக்க முடியாதது யாராலும்
விசமமாகச் சிலரை உயர்த்தலும்
விளையாட்டாய்த் தாழ்த்துவதும் தொடரும்
விற்பன்னராய்த் தொடரும் வாழ்வு
00
எழுத்ததிகாரம் நல் தகவுடைத்து
அமிழாத மரபதிகாரம் மகத்துவமுடையது
குமிழும் கவிதையதிகாரம் வித்துவமுடையது
சுழலும் தூங்காத அலையாக
நீங்காத முயற்சி வேண்டும்
மங்காத காதலில் தமிழௌட்டும்!
00
26-4-2022
மனிதர்கள் மிக மாறிவிட்டார்கள்.
00
ஏமாற்றாதே.... ஏமாற்றாதே என்பது
ஏமாறாதே என்பதற்கும் இரு பக்கமும் பொருந்தும்.
தர்மம் என்றும் காக்கும் இவை பழைய சொல் வழக்கு ஆனாலும்
இன்று தூக்கி எறிபவர் பலர்.
என்றும் பழைய நீதிமுறை நம்மைக் காக்கும்.
00
நேசம் பாசம் தூரவாகிறது. ஓன்றில் தானே மாறுகிறது அல்லது தம்பதிகளாக ஒருவரை ஒருவர் கட்டுப் படுத்துதலிலும் மாறுகிறது
00
பணம் மிகப் பிரமாதமாய் வேலை செய்கிறது. யாரையும் சார்ந்து வாழும் தேவையற்ற சமூக அமைப்பு வல்லமை தருகிறது அதனால் யாரையும் கணக்கெடுக்காது வாழலாம். நொண்டும் போது தானே கைத்தடி தேவைப்படுகிறது.
00
பெரியவரை மதித்தல் எகிறுகிறது. நலம் விசாரித்தல் நாறிப்போகிறது. நெருங்கி வந்து நலம் விசாரித்தலால் நாம் குறைந்துவிடப் போவதில்லை. நான் பெரியவன் எனும் தலைப் பாரம் குறைக்கலாம்.
00
29-8-2022
ஆளுமை
00
ஆளுகையே பன்முகமான ஆளுமை.
ஆளுமை நிலையற்றது. பிறப்பிலிருந்து
நீளுவது. வாழும் காலமாக.
தோளணையும் நற் சகவாசமும்
நாளதுவரை தன் பங்கீயும்.
00
சாதக எண்ணங்கள் குவியலாகி
என்னை நான் ஆளுவதும்
உன்னை உலகை ஆளும்
திறனும் ஆளுமை தான்.
குணாதிசயங்களின் கூட்டுச் செயல்
00
ஓன்றாயமைந்த இயங்கும் பண்பும்
நன்கு அழகாக்கும் செயலுணர்வு
சின்ன மாற்றமும் தருமாளுகை.
பென்னம் பெரிய மதமுமரசியலும்
உன்னுதலாய் உயர்த்தும் தாழ்த்தும்.
00
ஒருவரைப் பார்த்தறியும் செயல்
அருமை நடத்தை பழக்க வழக்கம்
ஒருவரின் பண்பு கவரும் தன்மை
விருப்புடை ஒருங்கான உணர்வும்
திறனுமே நல்ல ஆளுமையாகும்.
00
முயற்சியின் நீட்சி ஈடுபாடு
அயராத எழுச்சி நேர்மை
உயர்த்திடும் வெகுவாக ஆளுமையை.
நயமுடை சூழலின் தாக்கம்
நல்லவரைக் பின்பற்றல் நலமாகும்.
00
ஏராகும் நம்பிக்கை அமைதி
வேராகும் காதலன்பு குடும்பம்.
நேரான குணம் நட்பு
நேரம் வார்த்தைகள் சந்தர்ப்பம்
சீரான கடுமுழைப்பு தூணாகும்.
00
பாரமான சினம் கர்;வம்
காரமான மன்னிக்காமைக் குணம்
கோரமாய் ஆளுமையை அழிக்கும்.
சேராது முளையிலேயே கிள்ளுங்கள்.
தீரமான உடலாரோக்கியம் மனவாரோக்கியமே.
00
17-8-2022 ---
( படத்தை பெரிது பண்ணிப் பாருங்கள்)
கையணிகள்.
ஆடைகளின் நிறங்களுக்கு ஏற்றபடி கையணி கழுத்தணி போடுவது.
சுயமாகச் செய்வது கடையில் வாங்குவதுஎன்று பல வகைகள்.
இதில் நான் செய்த கையணிகள் சில.
1 - ஒரு சீன கை மணிக்கூடு. வாங்கிய காலம் முடிய
பட்டரி மாற்ற முடியவில்லை.
பின் பக்கம் திறக்க முடியவில்லை என்றனர்.
வண்ணத்திப்பூச்சி உருவங்கள் ஒவ்வோன்றும் ஒவ்வோரு நிறத்தில்.
எறியவில்லை. வீச மனமின்றி வைத்திருந்தேன்.
பர்க்கப் பார்க்கத் துன்பமாக ஏமாற்றமாக இருந்தது.
துருக்கிக் கடையில் வாங்கிய இமிட்டேசன் மோதிரம்
கீழே விழ உடைந்துவிட்டது. முகப்பு சிவப்புக் கற்களுடன்
அழகாக இருந்தது. அதுவும் வீச மனமின்றி வைத்திருந்தேன்.
ஒரு நாள் சீன மணிக்கூடடு முகப்பை மறைத்து
சிவப்பு மோதிர முகத்தை இணைத்தேன் .
அமைந்து விட்டது அழகாக - பாருங்கள்.
2 - மற்றவை எட்டு கையணிகள் சாதாரணமாக
இரண்டு - மூன்றாக இணைத்து நான் செய்தவை.
கடையில் வாங:கியவை வேறாக உள்ளது.
13 -8 -2022
மனம் சோர்ந்த போது
மனம் சோர்ந்த போது ஏதாவது ஒரு வேலையில் ஈடுபடுவது
மனதை உற்சாகப் படுத்தும். புது எண்ணங்கள் தோன்றும்
மனமகிழ்வு நிறங்களாலும் உருவாகும். ஒவ்வொரு
மாறுபட்ட நிறங்களும் பல உணர்வுகளைத் தூண்டும்
இது ஒரு பெரிய தலைப்பு. பெரும் கட்டுரையே எழுதலாம்.
பேரின்பத்தின் மறைவு- தாழையான் அனுபவங்களும்
மனத்துன்பத்தைத் தந்த போது இதை எடுத்துப் பார்த்தேன்.
பளிச்சென்று இவைகளைப் படம் எடுத்தால் என்ன
என்ற நினைவு வந்தது. சிறிது நேரம் மனம் அனைத்தையும் மறந்து
நிறங்களோடு உறவாடியது.
மிகப் பெரிய மணிகளால் ஆன மாலை வெற்றி
எனக்குச் செய்து தந்தார். பிள்ளைகளோடு
வேலை செய்ததால் மணிகளுக்குப் பஞ்சமில்லை.
பிள்ளைகளோடு மாலை செய்தே எடுத்து வரலாம்.
படத்தைப் பெரிது பண்ணிப் பாருங்கள்.
நல்ல காதணி உடைந்து போனால் அழகானதானால்
வீசமாட்டேன். அதை இங்கு பென்ரன் ஆக்கியுள்ளேன்.
அழகான இமிட்டேசன் மோதிரம் உடைந்தால்
( இவை ஒட்டித்தான் செய்வது துருக்கிக் கடையான்)
அதையும் ஏதாவது செய்வேன். பின்பு காட்டுவேன்.
11-8-2022
நல்லது செய்
(அறிவு) வாசம் தருவது வாசிப்பு.
மோசம் தராத நேசிப்பு
தேசமே நேசிக்கும் தேட்டம்
நாசமற்ற நன்னிலை நாடுவாய்.
00
தீமை செய்யாதே மனிதா
தீக்கதி ( நரகம்) உன்னைத் தேடியே
தீண்டும் தீமொழியும் தீயகமே
தீமைக்கும் என்றும் துணையாகாதே!
00
துரோகம் செய்ய எண்ணாதே!
ரோகமது தொடர்ந்து வரும்.
ரோதனை வாழ்நாள் முழுதும்.
உரோசமும் தொலைந்து போகும்
00
பொல்லாதவர் உறவைப் பொசுக்கு
பொருந்தார் உறவையும் தூரவாக்கு
பொய்யாமையால் பொன்னுலகம் பெறுவாய்
பொறுமையும் அபாயமற்ற சிறப்பு.
00
இறைபக்தி அறம் நாடு!
இசைவாக்கு ஞானத்தை இதமானது.
இச்சையாய் வேதாந்தம் தேடு!
உச்சமாய் உலகில் உயர்வாய!
00
- 26-7-2022
நல்ல மனம் நல்லதையே செய்யும்
தனமான தாய்நில நினைவுகளால்
மனம் நிறைந்து கிடக்கிறது
இனமென்று உதவி பெற்றவர்கள்
மனதோடு பணத்தைத் திருப்பிட்டால்
கனமான வேலைகளை முடித்திடலாம்.
00
சுத்தமாய்ப் பணம் பற்றாக்குறை
எத்தனை நல்ல காரியங்கள்
மொத்தமாய்க் காத்திருக்கிறது முடித்திட
கொடுத்த நிதியைத் திரும்பக் கேட்டால்
பித்துப் பிடித்த மாதிரியாகிறார்
00
நல்ல பெற்றோருக்குப் பிறந்த
நன்றியுடைய மனிதப் பிறவி
நாணயத்தை மறப்பது நன்றன்று
நாசபுத்தி மறந்து நாம்
நிறைமாந்தராய் நிலைப்பது நன்மை
00
-28-6-2022
ஆலமர விழுதற்ற அவலநிலை மனிதக்காட்சிச் சாலை மிருகக் காட்சிச் சாலை மாறி மனிதரே மறந்த மனிதம் போனதால் மனிதக் காட்சிச் சாலை...
