kovaikkothai: 371. (904) காலம் ஒரு பாலம்

ஞாயிறு, 2 ஜனவரி, 2022

காலம் ஒரு பாலம்

காலச்சக்கரக் கோள்கள் சுழற்சியால்

காலத்தில் பல தன்மை காலபேதம்

காலகதி நிகழ்வாய் இறப்பும் பிறப்பும்.

காலமெனும் சொல் பல கருத்துகளேந்தி

ஞால வாழ்வுக்காய் இக் கோலங்கள்.

ஞான மனிதன் ஆய்ந்த அர்த்தங்கள்

காலம் கடமையின் அரிய பாலம்

காலக் குறிகள் இயற்கை அழகுப் புதையல்

முக்காலம் நிகழ்வு இறப்பு எதிர்வு

காலம் இருபத்தி நான்கு மணிகள்.

காலை மாலை நாளிரு பக்கம்

காலப் புலர்வு விடியற் காலை

காலக் காட்டின் வழியோடு ஏகும்

காலம் பொன் வழுவுதல் வீண்

காலமறிந்த செயல் கனகம்

காலமாகுதல் உயிர்க் கூடு பிரிதல்

திருவிழாக்காலம் பூசைக்காலம்

புண்ணியகாலம் விரதம் வேண்டுதலாய்

இலையுதிர்கால மொட்டை மரங்களாய்

இலைக்குக் காத்திருக்கும் கர்ப்பகாலம்

கோடைகாலம் இரசிக்கும் அனுபவமாய்

பனிகாலம் பனிமனிதன் செய்ய

மாரிகாலம் மழையோடு நனைவோம்

எக்காலமும் நற்காலம் நம்பிக்கை இருந்தால்

கருப்பகால மனிதம் பத்து மாதம்

பருவ காலங்கள் ஆறு வகையாம்

காலம் நல்லது கெட்டது அகாலம்

காலப்பயிர் விவசாயியின் உயர்ச்சி

காலப்பிரமாணம் கலையின மூலம்

கற்கால மனிதம் ஆரம்ப வாழ்வு

காலகதி வளர்ச்சியில் காலக்கிரமத்தில்

கணனிக் காலம் நவீனகாலமாகிறது

வேதா. இலங்காதிலகம் -டென்மார்க்

(இலண்டன் தமிழ் வானொலி( பெஃஸ்ட் ஓடியோ) வியாழன் கவிதை

2006 பங்குனி 19 நான் வாசித்த கவிதை)

kovaikkothai