409. (942) பெருந்தகவுடை மனிதம்....

    

        

பெருந்தகவுடை மனிதம்....

00

பொறுப்பைக்   கழற்றி  வீசுவதும்

உறுப்பைச் சேதமாக்கலும் ஒன்று

வெறுப்பின்றி பரவி விருட்சமாகிறது  

மறுப்பற்ற உதவி வென்று

00

செய்ந் நன்றியைக் கொன்று

உய்யல்   இறை  வரமா!

கொய்யாவில் உறவு தலைகீழாகிறது.

பொய்யா மொழியே மறைகிறது.

00

மனித   வாழ்வில் சொந்தம்

புனிதமிழந்து சுயநலத்தால்  பொசுங்குகிறது

இனிது புகழென அணைத்து 

இறுதியில் கொண்டேகுவது  எது!

00

வெறும் கையோடு வந்து

பெறும் அனைத்தும் விட்டு

பெயர்தல் ஆகிறோம் உருவின்றி...

பெருந்தகவுடை மானிட வாழ்வு!

00

வேதா. இலங்காதிலகம் - தென்மார்க் - 8-3-2023