318. (881) நமக்கென்று நால்வர்

 

நமக்கென்று நால்வர்

அழுத்தும் விரலியக்க உலகில்

அனைத்தும் உடனடையும் உலகில்

சுமக்கின்ற பணப்பொதி தேன்.

நமக்கென்று நாலுபேர் ஏன்!

அடுப்புக்கு மூன்று கல்லு

அமைச்சிற்குச் சேவகர் குழு

மலரிற்கு ஒரு தண்டு

மனதிற்கு ஒரு பற்றுக்கோடு.

எமக்கென்ற இக வாழ்வில் 

நிலைக்கின்ற சொந்தம் யார்!

சுமக்கின்ற நாலு பேரா 

நமக்கென்று நாலு பேர்!

அன்பைப் பிழி! பண்பைத்தெளி!

அறிவை அளி! ஆதரவு உளி!

உனக்கென்று நால்வர் அல்ல

உலகில் நாற்பது பேர் உருவாவார்

 29-5-2004

(இலண்டன் தமிழ்வானொலியில் ஒலிபரப்பானது.)