272. (835 ) - ஊடகம்.- கன்னல் சுவைத் தமிழ். + மின் கவி.

ஊடகம்.    சிவா கவிதைப் பெட்டகம் - மின்னிதழிலும் எனது கவிதைகள் இடம் பெற்றுள்ளது. இவர்களுக்கு மனமார்ந்த நன்றிகள்.

கன்னல் சுவைத் தமிழ். 

நாரால் இணைத்த மாலையாகவோ
வேரால் மதர்த்த பூவாகவோ
ஊரால் புகழும் தமிழ்
பாராளக் கூலி கேட்காதது.

அறிவுத் துணை அலங்காரம்
அதீதமானதல்ல சத்தியமானது.
அகத்தியமானது முத்திய உரைகளின்
தத்துவமே அற்புத வரலாறாகும்.

எண்ணத்தின் மகரந்தப் பொடி
திண்மையாக விதைப்பாகப் படிகிறது.
அண்ட கோளத்தில் தளிராகிறது.
இண்டு இடுக்குகளில் துளிர்க்கிறது.

முன்னம் செய்த தவமென்பேன்
முன்னோர் தந்த வரமென்பேன்
கன்னல் சேர்த்து இணைக்கின்ற 
கன்னித் தமிழே சுவையென்பேன்.

(அதிதமானது - எட்டாதது. 
அகத்தியமானது - கட்டாயம், அவசியமானது) )

april--2020


ஊர் சிறக்க ஊரடங்குச் சட்டம்.
யார்  அடங்குகிறார் 

பார் முழுதும் போர்வையானது  கொரோனா.