341 (904) மீண்டும் மிடுக்கோடு (வானொலி)

 

மீண்டும் மிடுக்கோடு (வானொலி)

கூண்டுப் பறவை நிலையோடு

தாண்டிய காலம் முன்னோடு

ஈண்டு சொந்தக் காலோடு

மீண்டும் வந்தாய் மிடுக்கோடு

நீண்டு நிலைத்த வாழ்வோடு

தாண்டும் இனிய பண்போடு

தீண்டு எம்மை மகிழ்வோடு!

தூண்டு தாமரைத் தமிழோடு!

செண்டாக ஆக்கங்கள் காலத்தோடு

வண்டாக மொய்க்கட்டும் வேகத்தோடு

துண்டாடும் மிடுக்கைக் காலதாமதம்

கண்டு திருந்திடு கம்பீரமுண்டு.

இணைந்த தமிழ் வானொலியோடு

தோண்டும் இலக்கிய வளத்தோடு

ஆண்டுகள் கடந்தது மாண்போடு

பண்டிகையாகக் காலங்களைக்  கையிலெடு!

  5-3-2005