291. (854 ) ஊடகம் -ஞானம் - புதுச் சொல்லைப் படிக்கலாமே!-

ஊடகம் -ஞானம் - மனமார்ந்த நன்றி ஞானம் இதழுக்கு

புதுச் சொல்லைப் படிக்கலாமே!-  

அறிவுச் சொல் அகழ்ந்து புது

அறிமுகச் சொல்லொன்று அவசியம்! இது

அறிவீனம் அல்ல அறிவு பெருக்கலே

அறிவுடன் ஆக்கத்தில் ஆர்வமாய் இணைத்தேன்

எல்லோரும் பாவிக்கும் எழுத்தின்றிப் புதியதாய்

நல்லதாக  விதைப்பதை உள் வாங்காது

பில்லி என்று உணர்ந்து புல்லறிவால்

தொல்லையென்று விளங்கினர் தொடர்ந்த பலர்

வார்த்தை விளையாட்டு, வரி எழுதல்

கேர்த்து மாலையாக்கல், கவி எழுதல்

வார்த்து வகிடெடுத்தலும் அறிவு உயர்வே

சேர்த்துச் சொல்லாடும் சதுரங்கமும் இதுவே!

பாவித்துப் பாவித்துப் பழகிய சொற்களின்

ஆவி பிடித்து அலுத்துக் களைப்பதிலும்

பூவிரிப்பது நலமென்று புதுச் சொல்லை

ஏவி விடுதல் இன்பமென்பேன் நான்.

என்று புதுச் சொற்கள் படிப்பீர்கள்!

நன்றா முப்பது சொற்களுள் வட்டமிடுதல்!

 14-8-2019