322. (885) எதிர்நீச்சல்

 

எதிர்நீச்சல்

மேடையில் கவர்ச்சியாம் மொழிகளுடன்

மேதகு சிறகுவிரித்துப் பேசியும்

மேதையாக எழுதி மேன்மக்களாயூர்வலம்

மேம்பாடு நடைமுறையில் பூச்சியம்

மனத்தூய்மை அறங்களில் முழுமை

மனமாசற்ற வாழ்வு மேன்மை

மனமாண்பில் தலையானது வாய்மை

மனமகிழச் சொல்வதுபோற் செய்யலாம்

கரும் ஓவியம் நிறைமனம்

பெரு விருப்பாய்ச் சுடராது

அருமை வாசனையும் படராது

அருவருப்புக் குரூரமே இதழ்விரிக்கும்

மாசற்ற நெஞ்சுடையாரைத் தேடி

ஆசற (குறையற) அமைதியான ஏக்கம்

தூசற பழகுவாயா என்னிடம்!

நீசமற்ற உறவு தேவை.

தமிழை மொண்டு பசியாற

அமிழ்கிறேன் மொழிக் கடலுள்

அமிழ்தினுமினிய எந்தப் புகாருமற்ற

தமிழுறவு  தேவை சாத்தியமா!

வன்மம் நிரம்பாத குவளையில்

உன் தேநீரை ஊற்றுவாயா!

நன் மரகதவீணை மனதை

வன்மை வீராப்பு வீம்பாலழிக்காதே.

7-1-2021