74. (655) முகம் தெரியட்டும்

முகம் தெரியட்டும்

முகநூலில் முத்து முத்தாக எழுதுங்கள்.

அகம் விரும்பி அனைத்துக் குழுவிலும்

தகவோடுதனித் தனியாய் எழுதுங்கள்

நகம் தேய போட்டிகளிலும் எழுதுங்கள்.

பரிசுகள் பட்டங்கள் வாங்கிக் குவியுங்கள்

விரிந்த அளவில் முகம் தெரியட்டும்

பிரித்து வீசலாம் பிரபலமான பின்பு.

சரித்துத் தள்ளலாம் சாத்தானோடு ஏணியை

சுய சிந்தனை உபயோகம் சிறப்பு.

மயக்கும் சாம்பிராணியும் தரும் வெறுப்பு.

வியக்கும் ஊதுகுழலும் தரலாம் வெறுப்பு.

நயக்க தினம் வாழுங்கள் சிறப்பு.

27-6-2016



வேறு

முகநூல் 

வளமாய்ப்   பயனாக்கினால்  முகநூலே

தளமான   ஒரு   வரப்பிரசாதமே!

இளக்காரச்   சிந்தை  இழிகுலத்தோர்,

உளம்    அமைதி    அற்றோர்,

களங்கம்   ஏந்துவோருக்கே   முகநூல்

விளம்பரம்   தீயவைக்கு    அறிவீர்!

களஞ்சியம்   நல்ல   சிந்தனைகளுக்கு!

விளக்குதலாக்குங்கள் தங்க மனதை!

2018