468 (1011) மொழிஊர்வல அற்புதம்

   

             

 

     மொழிஊர்வல அற்புதம்

காற்றைத்  தொட்டு    கருமுகில் இழுத்து

நூற்றை  எண்ணி நுழைந்து கட்டி

ஏற்றினேன் என்னாசைக் கவிப்பட்டம்

விசிறி  இன்றி  இரட்டைக் கொம்பு

விசிறாத முற்றுப் புள்ளி  மறக்காத

வினைமுற்று என்றும் தமிழில் மறக்காதே

00

செழித்துத் தளிர்க்கும் கற்பனை

முளைத்தது நினைவுக் குமிழிகள்

நதி சுமந்து செல்லும் இரகசியமாய்

மகரந்த இறகுகள் காற்றினில்

மனித உணர்வுத் தொடுகையாய்

மொழி ஊர்வலமாகும் அற்புதம்.

00

சொல் வேலியில் காலிடறாது செல்ல

நல்லெழுத்து விமானத்தில் ஏறவேண்டும்

ஞாபகஅரும்பு  உன்னதமாய் விரிய

உள்ளப் புணர்ச்சியின் வசனகாவியம்

காலச்சிகரமாய்க் கவிதை வாசகம்

தளிர் அடர்த்திய மரமாக அமைக்கலாம்

00

வரங்கள் இறைவனின் கொடை

தரங்கள் எமது திறமையென்பது

வாங்கி வராத இறைவனின் வரங்கள்.

ஏங்கும் ஆசீர்வாதங்களும் எம்முடன்

தங்கிடும் பேறுகளும் வாழ்வின் 

மங்கலமும் நல்ல வரமே

கவி அரசி  - வேதா. இலங்காதிலகம்.  தென்மார்க். 28-4-2025