வீழ்வேனேன்று நினைத்தாயோ!
என் பாதையில் சீரான நோக்கில்
நன் வழி அமைத்துச் செல்லும்
இன் பயணம் இனிதாக நிறைவுறும்.
வன் செயல்கள் இல்லாத நான்
புன்னகையற்று வீணே வீழ்வேனென்று நினைத்தாயோ!
சொல்வது கேட்டுத் தலையை ஆட்டி
வெல்வதை மறந்து கண்ணீர் விட்டு
புல்லரை ஏற்றுப் புனிதம் மறந்து
வல்லது செய்யாது வாடி நின்று
கல்லது போன்று வீழ்திட மாட்டேன்.
தடைகள் தாண்டித் தனித்தன்மை காட்டி
விடையாம் வெற்றி விளைத்திட முயன்று
முடையெனும் நடை விலக்கி முன்னேறி
குடை பிடித்துத் துரோக மழையிலும்
குமிழ்ந்த சிரிப்பில் சிகரம் ஏறுவேன்.
தீராத போராட்ட வாழ்வின் எதிரி
தீரமுடன் போராடுவான் தருணம் நோக்கி
தீர்வு காண்பேன் தடியடி இன்றி
தீயபாதை அழிவிற்கே! எழுந்து உயர்வேன்!
தீர்க்கமான கனவு வெற்றிப் பாதைக்கே!
தாழ்ந்திடேன்! வெற்றி காண்பதே வேள்வி!
வாழ்ந்து வீழ்ந்திடாது வேர் ஊன்றுவேன்!
ஆன்ற தமிழோடன்றோ நடக்கிறேன்
ஊன்றித் தவிப்படக்கும் மொழித் தூவல்
கையறு நிலையை விந்தையாய் மாற்றும்
14-6-2018
ஆன்ற தமிழோடன்றோ நடக்கிறேன்
ஊன்றித் தவிப்படக்கும் மொழித் தூவல்
கையறு நிலையை விந்தையாய் மாற்றும்
14-6-2018
கருத்துகள் இல்லை:
கருத்துரையிடுக