செல்லக்கிளியே மெல்லப் பேசு!
வெல்லமாய் என்னை வெல்லும் கிளியே
சில்லெனும் காற்றான சிங்கார மொழியே
உல்லாசமாய்ச் சிணுங்கும் உயிர்க்; கவிதையே
மெல்லப் பொழியும் பஞ்சு மேகமே
சொல்லடி இன்னும் செல்லமாய் மெல்லவே!
வல்ல தமிழை வளைத்துப் போட்டு
வில்லில் இருந்து ஏற்றும் நாணாய்
வெல்லும் வார்த்தை வல்லாங்கு சொல்
கல்லும் கனியக் கருத்தாகச் சொல்
கொல்லென்று சிரிப்புக் கொட்டிடச் சொல்
23-2-2019
வேறு---
சல்சல்லெனக் குலுங்கும் சலங்கை போல
சில்லறை வந்து சிதறும் ஓசையாய்
செல்லமே பேசு செழிப்பான செந்தமிழை
நல்ல தருணமே நாளும் மகிழ
இல்லம் முழுதும் இன்தமிழ் சிறக்கட்டும்.
கருத்துகள் இல்லை:
கருத்துரையிடுக